Forlaget skriver om denne boka:
Dersom du vaknar ei natt av at det står eit spøkelse framfor senga di, så blir du sikkert skrekkeleg nysgjerrig på kva slags spøkelse dette kan vere. Er det ein deildegast, ein zombi, ein utburd eller kanskje ein vampyr? Da kan du berre tenne lyset og slå opp i denne boka. Ei faktabok om spøkelse og eit artig oppslagsverk for den som vil orientere seg i spøkelsesverda.
Velle Espeland, forfattar, og Mikael Holmberg, teiknar, har boltra seg i spøkelseshistorier frå mange land og presenterer både kjente og mindre kjente skapningar i tekst og fargerike bilde. Her er nifse spøkelseshistorier, men også gode råd for den som vil jakte på spøkelse eller kanskje dikte nye spøkelseshistorier sjølv.
