Boka rettar seg primært mot barnelitteraturstudiet i førskule- og allmennlærarutdanninga, og kombinerer litteraturteori med didaktiske og formidlingsperspektiv. Boka gir ei samla og brei framstilling av barnelitteraturfeltet. Barneboka blir plassert i forhold til kulturhistoria og til skiftande tider sine haldningar til barndommen. Boka har eigne kapittel om biletbøker, lyrikk, episke tekstar og fagbøker, eventyr, mytar, legender, segner og fablar, teiknefilm og masseproduserte barnebøker. Boka inneheld òg synspunkt på litteraturformidling i barnehage og skule. Teorien er illustrert med teksteksempel. Denne 4. utgåva er revidert og oppdatert med nye eksempel, og perspektiv på lesing som sosial eller individuell hending, samt barnets rolle som forteljar. Omtalen er utarbeidd av BS.
Barnelitteratur - sjangrar og teksttypar gir ei samla og brei framstilling av det barnelitterære feltet. Boka kombinerer litteraturteori og sjangerkunnskap med didaktiske og formidlingsmessige perspektiv. Eit rikt utval teksteksempel frå norsk og omsett barnelitteratur syner mangfaldet i barnelitteraturens uttrykk og tematikk.
Denne 4. utgåva er grundig revidert og oppdatert med nyare teoriorientering og teksteksempel. Framstillingar av utbreidde barnelitterære sjangrar og teksttypar, som eventyr og fablar, prosaforteljingar, bildebøker, lyrikk og fagbøker er handsama i eigne kapittel. I tillegg inneheld boka kapittel som reflekterer over lesing som individuell og sosial hending, barneperspektivet som forteljarposisjon, barnebokas dialog med ulike medium, samt drøftingar av barnelitterære framstillingar i forhold til skiftande tiders oppfatningar av barn og barndom.
Boka er viktig for studentar i barnehagelærarutdanninga og grunnskolelærarutdanning, og for andre som søker kunnskap om barnelitteratur.
Forfattarane har alle brei erfaring frå barnehage- og lærarutdanninga og kjenner det barnelitterære feltet som både forskarar, formidlarar og faglitterære forfattarar.
